Fleiri munu verða gjaldþrota og meira atvinnuleysi.

28.10.2008 | 11:55

Lilja Mósesdóttir ræddi um skilyrði Alþjóðagjaldeyrissjóðsins fyrir láni til íslenskra stjórnvalda. Þau hefðu verið kölluð aðhaldssöm stjórn peningamála sem þýddi á mannamáli vaxtahækkun.

Þetta væri dæmigert viðbragð hjá sjóðnum við fjármálakreppu. Bent hún á að norsk stjórnvöld hefðu í sinni bankakreppu á síðustu öld gripið til vaxtahækkunar sem hefði leitt til fleiri gjaldþrota og meira atvinnuleysis en ella. Malasía og Chile hefðu hins vegar valið gjaldeyrishöft með skattlagningu í stað vaxtahækkunar og það hefði leitt til grynnri kreppu.

Lilja sagði enn fremur að kreppan nú á Íslandi væri mun alvarlegri en sú sem hefði riðið yfir hin norrænu ríkin og Asíu á síðustu öld. Það sæist á því að lán alþjóðlegra aðila yrðu 60 prósent af landsframleiðslu okkar á meðan Suður-Kórea hefði á sínum tíma aðeins þurft lán sem var 10 prósent af landsframleiðslu. Sagði Lilja enn fremur að lækka þyrfti vexti til að draga úr áhrifum kreppunnar

Lilja Mósesdóttir doktor í hagfræði

Til Hamingju Íslendingar með stefnu ríkistjórnar Geirs Haarde og seðlabankastjórn Davíðs Oddsonar og það sem ósveigjanleiki þeirra gagnvart ykkur og ábyrgðarleysi ásamt vanhæfni er að leiða fram.

núna eru hörmungarnar rétt að byrja.

Íslenska krónan brennur

launin brenna

Við verðum að standa saman

Fyrir börnin okkar

fyrir framtíðina

Fyrir Ísland

SAMEINAÐ ÍSLAND

VIÐ MÓTMÆLUM ÖLL!!!!!!

Láttu þig skipta máli

Meðvirkni eða mótmæli. Mætum á Hlemmi á laugardaginn kl 14:00 og
göngum á Austurvöll - Ekki vera þolandi, vertu þátttakandi - Krefjumst
ábyrgðar, kosningar strax!

Vík burt ríkisstjórn!